అభివృద్ధి పనులను తనిఖీ చేసిన డిప్యూటీ కలెక్టర్ 

ఇంద్రకీలాద్రి ( న్యూస్ వెలుగు ) : ఇంద్రకీలాద్రిపై కొలువైన శ్రీ కనకదుర్గ అమ్మవారి దేవస్థానంలో చేపట్టిన వివిధ అభివృద్ధి పనులను ఆలయ కార్యనిర్వహణాధికారి (ఈవో) వి.కె. శీనా నాయక్ ఆకస్మికంగా తనిఖీ చేశారు. భక్తులకు మెరుగైన సౌకర్యాలు కల్పించే దిశగా జరుగుతున్న పనుల పురోగతిని ఆయన సమీక్షించారు.                                    ఈ సందర్భంగా ఈవో మాట్లాడుతూ, ఆలయ అభివృద్ధి పనులలో నాణ్యత విషయంలో రాజీ పడే ప్రసక్తే లేదని స్పష్టం చేశారు. భక్తుల రద్దీని దృష్టిలో ఉంచుకుని, క్యూలైన్లు, మంచినీటి సరఫరా, ప్రసాదం కౌంటర్లు, మరియు పారిశుద్ధ్య నిర్వహణ వంటి అన్ని విభాగాలలో మెరుగైన ఏర్పాట్లు చేయాలని అధికారులను ఆదేశించారు.

కొండ దిగువన ఉన్న ఖాళీ స్థలాలలో నూతనంగా ఏర్పాటు చేయనున్న అన్నదాన భవనం, లడ్డూ పొట్లం (కిచెన్) నిర్మాణాలకు సంబంధించిన ప్రణాళికలను ఇంజినీరింగ్ అధికారులతో కలిసి చర్చించారు. ముఖ్యంగా, ఇటీవల ఆక్రమణల నుండి స్వాధీనం చేసుకున్న స్థలంలో భక్తుల సేవా కేంద్రం, అర్జిత సేవల టికెట్ల విక్రయ కౌంటర్లు, మరియు పార్కింగ్ సదుపాయాలను తనిఖీ చేశారు. అభివృద్ధి పనులన్నీ నిర్ణీత గడువులోగా పూర్తి చేసి, భక్తులకు ఎటువంటి ఇబ్బందులు కలగకుండా చూడటం తమ ప్రధాన లక్ష్యమని ఈవో పేర్కొన్నారు.

ఈ తనిఖీ కార్యక్రమంలో ఆలయ ఇంజినీరింగ్ అధికారులు ఈఈ -2 రాంబాబు మరియు ఇతర సిబ్బంది పాల్గొన్నారు.