ప్రపంచ యాంటీ మైక్రోబియల్ రెసిస్టెన్స్ అవగాహన
Journalist Sekur Gangadharన్యూస్ వెలుగు, కర్నూలు; ప్రతి చిన్న ఆరోగ్య సమస్యకు యాంటీ బయాటిక్స్ వాడకం మానుకోవాలని అడిషనల్ డైరెక్టర్ ఆఫ్ మెడికల్ ఎడ్యుకేషన్ & కర్నూల్ మెడికల్ కాలేజ్ ప్రిన్సిపల్ డాక్టర్ కె. చిట్టి నరసమ్మ అన్నారు. కర్నూలు మెడికల్ కాలేజి యందలి మైక్రో బయాలజీ డిపార్ట్మెంట్ ఆద్వర్యంలో “యాంటీ మైక్రోబియల్ రెసిస్టెన్స్ అవగాహన వారం” నవంబర్ 18 – 24 సందర్భంగా రెండవ సంవత్సరం ఎం. బి.బి.ఎస్ విద్యార్థులు పోస్టర్ ప్రజెంటేషన్ కార్యక్రమం నిర్వహించడం జరిగింది. ఈ కార్యక్రమంలో పాల్గొన్న ప్రిన్సిపాల్ మాట్లాడుతూ విపరీతంగా అంటీ మైక్రోబియల్ మందుల వాడకం పెరగడం రెసిస్టెన్స్ ఏర్పడి అవి పనిచేయకుండ పొతు న్నాయని అని అన్నారు. విద్యార్థులు ప్రదర్శించిన పోస్టర్లును తిలకించడం జరిగింది. ఈ కార్యక్రమము లో ఆసుపత్రి సూపరిండెంట్ డా. వెంకటేశ్వర్లు మాట్లాడుతూ విపరీతంగా యాంటీ మైక్రోబియల్ వాడకం నేడు మానకుంటే రాబోయే కాలంలో రోగాలను తగ్గించేందుకు మందులు పనిచేయక రోగులు అనేక ఇబ్బందులు ఎదుర్కొంటారని తెలిపారు. ఈ కార్యక్రమం లో మైక్రోబయాలజీ డిపార్ట్మెంట్ హెచ్.ఓ.డి ప్రొఫెసర్ డాక్టర్ రేణుకాదేవి, కమ్యూనిటీ మెడిసిన్ డిపార్ట్మెంట్ హెచ్. ఓ.డి ప్రొఫెసర్ డా.సుధా కుమారి, ప్రొఫెసర్ నాగ జ్యోతి అసోసియేట్ ప్రొఫెసర్ విజయలక్ష్మి అసిస్టెంట్ ప్రొఫెసర్ శరణ్య తదితరులు పాల్గొన్నారు.