క్రీడలతో విద్యార్థులకు మానసిక ఆనందం పెంపు

 విద్యార్థులకు క్రీడా కిట్లు పంపిణి.

 హాస్టల్ వెల్ఫేర్ అధికారి డి.రమేష్.

తుగ్గలి న్యూస్ వెలుగు ప్రతినిధి: ఆంధ్రప్రదేశ్ రాష్ట్ర ప్రభుత్వం రాష్ట్రంలోని సాంఘిక సంక్షేమ శాఖ పరిధిలోని ప్రతి సంక్షేమ వసతి గృహంలో చదువుతున్న విద్యార్థుల కోసం టవల్స్ మరియు శారీరక వ్యాయామం కోసం ఆటలు ఆడుకోవడానికి కావాల్సిన క్రీడా పరికరాలు టెన్నికాయిట్ రింగ్స్ 10, షటిల్ బ్యాడ్మింటన్ బ్యాట్స్ 4,చెస్ బోర్డ్స్ 5,క్యారమ్ బోర్డ్స్ 4,షార్టుపుట్, జావెలిన్ త్రో కర్ర,వాలీబాల్ 2,డిస్క్ త్రో వంటి క్రీడా పరికరాలను తుగ్గలి మండల పరిధిలోని జొన్నగిరి గ్రామంలో స్థానికంగా ఉన్నటువంటి ప్రభుత్వ బాలుర వసతి గృహంలోని విద్యార్థులకు ప్రభుత్వ బాలుర వసతి గృహ సంక్షేమ అధికారి డి.రమేష్ ఆధ్వర్యంలో బాలుర వసతి గృహంలోని విద్యార్థులకు ట్యూషన్ చెబుతున్న ట్యూటర్లు నాగేష్, సుధాకర్,వసతిగృహ సిబ్బంది మరియు తల్లిదండ్రులు విద్యార్థులకు క్రీడా సంబంధించిన క్రీడా కిట్లను ఆదివారం రోజున అందజేశారు.ఈ సందర్బంగా ప్రభుత్వ బాలుర వసతి గృహ సంక్షేమ అధికారి డి.రమేష్ మాట్లాడుతూ ఆంధ్రప్రదేశ్ రాష్ట్ర ప్రభుత్వం హాస్టల్ లోని విద్యార్థులను దృష్టిలో పెట్టుకుని విద్యార్థుల మానసిక,శారీరక వికాస ఆనందాన్ని దృష్టిలో పెట్టుకుని విద్యార్థులకు క్రీడా కిట్లను రాష్ట్రంలోని అన్ని ప్రభుత్వ సంక్షేమ వసతి గృహాలకు పంపడం వాటిని విద్యార్థులకు మేము అందజేయడం సంతోషంగా ఉన్నదని, విద్యార్థులు విద్యతో పాటు క్రీడల్లో రాణించి వారి మానసిక,శారీరక వికాసానికి మంచి పునాది వేసుకోవాలని విద్యార్థులకు తెలియజేశారు.ఈ కార్యక్రమంలో హాస్టల్ సిబ్బంది, విద్యార్థుల తల్లిదండ్రులు,విద్యార్థులు తదితరులు పాల్గొన్నారు.