భక్తుల సౌకర్యార్థం దేవస్థానం ఏర్పాట్లను పరిశీలించిన పోలీస్ అధికారులు

విజయవాడ, న్యూస్ వెలుగు; శ్రీ దుర్గామల్లేశ్వర స్వామివార్ల దేవస్థానం దేవస్థానంలో నిర్వహించు దసరా మహోత్సవములు -2024 పురస్కరించుకొని శనివారం  నగర పోలీస్ కమీషనర్ యస్ వి రాజశేఖర్ బాబు, ఐపీయస్, ఆలయ ఇంజినీరింగ్ అధికారులతో కలిసి అమ్మవారి దర్శనార్థం విచ్చేయు భక్తుల సౌకర్యార్థం దేవస్థానం వారు చేయుచున్న ఏర్పాట్లను పోలీస్ అధికారులు కలిసి క్షేత్ర స్థాయిలో పరిశీలించి సూచనలిచ్చారు. ఇందులో భాగముగా ఘాట్ రోడ్, ఓం టర్నింగ్ నుండి ఉచిత, రూ.100, రూ.300, రూ.500 క్యూ లైన్ లు, ఎంట్రీ, ఎగ్జిట్ పాయింట్ లు, విఐపి లైన్, దేవస్థానం లోపలి క్యూ లైన్ లు, కౌంటర్లు, పూజలు అనంతరం ఉభయదాతల క్యూ లైన్ లు, తదితర ఏర్పాట్లు గురించి క్షేత్రస్థాయిలో పరిశీలించి అధికారులకు సూచనలిచ్చారు. ఈ సందర్బంగా ఆలయ అధికారులు పోలీస్ కమీషనర్ వారికి అమ్మవారి దర్శనం కల్పించి, వేదపండితులచే వేదాశీర్వచనం కల్పించి అమ్మవారి ప్రసాదములు అందజేశారు. ఈ కార్యక్రమంలో డీసీపీ గౌతమి శాలి, పోలీస్ అధికారులు, ఆలయ కార్యనిర్వాహక ఇంజినీర్ కె వి ఎస్ కోటేశ్వరరావు, ఇంజినీరింగ్ సిబ్బంది, ఇతర సిబ్బంది పాల్గొన్నారు.