క్రీడా స్ఫూర్తిని ప్రదర్శించి విజేతలుగా రాణించండి

అట్టహాసంగా సీబీఎస్సీ ఫుట్బాల్ పోటీలు ప్రారంభం
 ఎంపీ  బస్తిపాడు నాగరాజు 

కర్నూలు, న్యూస్ వెలుగు;  నగర శివారులోని లక్ష్మీపురం సమీపంలోని రిడ్జ్ పాఠశాలలో సి బి ఎస్ సి క్లస్టర్ 7 ఉమ్మడి తెలుగు రాష్ట్రాల ఫుట్బాల్ పోటీలు అట్టహాసంగా ప్రారంభమయ్యాయి .ఆంధ్రప్రదేశ్ ,తెలంగాణ రాష్ట్రాలనుండి అండర్ 14, 17, 19 బాలుర జట్లు 143 పాఠశాలల నుండి 3500 మంది విద్యార్థులు హాజరయ్యారు .ఈ సందర్భంగా ఎంపీ మాట్లాడుతూ విద్యార్థులు అందరూ క్రీడా స్ఫూర్తిని ప్రదర్శించి గొప్ప విజేతలుగా రాణించాలన్నారు. కర్నూలులో ఇంత పెద్ద టోర్నమెంట్ నిర్వహించడం ఇదే ప్రథమన్నారు .ఇందుకు రిడ్జ్ స్కూల్ వేదిక కావడం ఎంతో విశేషం అన్నారు. నేను రవీంద్ర పాఠశాల పూర్వ విద్యార్థిని.క్రమశిక్షణతో కూడిన ఈ విద్యాసంస్థ యందు చదువుకొని ఎంపీగా ఎదగడం నా అదృష్టమని, అలాంటి క్రమశిక్షణ ఇచ్చిన మా గురువు పుల్లయ్య సార్ గారికి నేను ఎప్పటికీ కృతజ్ఞుడని అని తెలియజేశారు. విద్య మరియు క్రీడలు రెండు కళ్ళలాంటివని దేనిని నిర్లక్ష్యం చేయక రెండింటి నందు రాణించాలని గుర్తు చేశారు.రవీంద్ర యాజమాన్యం వారు చక్కటి ఏర్పాటు చేసి క్రీడాకారులకు అన్ని రకాలుగా ప్రోత్సాహం అందిస్తున్నారు. గెలుపోటములను సమానంగా స్వీకరించాలని క్రీడాకారులకు ఎంపీ సూచించారు. రవీంద్ర విద్యా సంస్థల వ్యవస్థాపకులు జి పుల్లయ్య మాట్లాడుతూ ఈ భారీ టోర్నమెంట్ నిర్వహించడానికి అవకాశం ఇచ్చిన సీబీఎస్ఈ బోర్డు కు ధన్యవాదాలు తెలిపారు. క్రీడలతో మంచి ఆరోగ్యం మంచి క్రమశిక్షణ కలుగుతాయన్నారు .మరి ముఖ్యంగా ఇలాంటి క్రీడల వల్ల సోదర భావం ,స్నేహభావం పెరిగి వ్యక్తుల మధ్యలో బంధాలు ఇంకా ఎక్కువ పెరగడానికి అవకాశం ఉందన్నారు. అంతకుముందు అతిధులు జాతీయ పతాకాన్ని ఎంపీ నాగరాజు గారు, సీబీఎస్ఈ ఫ్లాగ్ ను పాఠ పాఠశాల వ్యవస్థాపకులు పుల్లయ్య గారు స్కూల్ మరియు స్పోర్ట్స్ ఫ్లాగ్ ను చైర్మన్ కుమార్  ఆవిష్కరించారు వివిధ పాఠశాలల క్రీడాకారుల నుండి చక్కటి గౌరవంధమును అతిథులు స్వీకరించారు అనంతరం రిడ్జ్ పాఠశాల వారు ప్రదర్శించిన సాంస్కృతిక కార్యక్రమాలు అతిధులను ఎంతగానో ఆకట్టుకున్నాయి ఈ కార్యక్రమంలో రవీంద్ర విద్యాసంస్థల చైర్మన్ జివిఎం మోహన్ కుమార్ గారు రిడ్జ్ పాఠశాల సీఈవో గోపీనాథ్  గ్లోబల్ స్కూల్ సీఈవో జీవం శ్రీధర్ గారు టోర్నమెంట్ నిర్వాహక కార్యదర్శి  పాఠశాల డీన్ రాజేంద్రన్ ప్రిన్సిపల్ రాజ్కమల్ రవీంద్ర డిగ్రీ కళాశాల ప్రిన్సిపల్ డాక్టర్ మమతా మోహన్, రిడ్జ్ స్కూల్ సమన్వయకర్త సౌమ్య గోపీనాథ్ టీజీవి కళాక్షేత్రం అధ్యక్షులు పత్తి ఓబులయ్య జిల్లా అభివృద్ధి అధికారి భూపతిరావు టోర్నమెంట్ మెడికల్ టీం వైద్యాధికారి డాక్టర్ విశ్వనాథరెడ్డి ఫిజియోథెరపిస్టు డాక్టర్ హనీర్ భాష వివిధ పాఠశాలల అధినేతలు మరియు వివిధ ఫుట్బాల్ జట్లు కోచులు మేనేజర్లు ఎన్సిసి క్యాడేట్స్ తదితరులు పాల్గొన్నారు.
ప్రారంభ మ్యాచ్ అండర్ 19 విభాగంలో హైదరాబాద్ డిపిఎస్ పాఠశాల హైదరాబాద్ స్లోగ్ బిర్లా పాఠశాల తిరుపతి వారిపై 3-1గోల్స్ తేడాతో గెలుపొంది శుభారంభం చేశారు. ఇప్పటివరకు అండర్ 19 విభాగంలో చిన్మయ విద్యాలయ హైదరాబాద్, హార్ట్ ఫుల్ నెస్ లర్నింగ్ సెంటర్ రంగారెడ్డి తెలంగాణ ,కాకతీయ పబ్లిక్ స్కూల్ గాజువాక విశాఖపట్నం ,ఇండస్ యూనివర్సల్ స్కూల్ మల్కాజ్గిరి హైదరాబాద్ వారు గెలుపొందారు.