తెదేపా రాష్ట్ర ప్రధాన కార్యదర్శిగా తుగ్గలి నాగేంద్ర

తుగ్గలి, న్యూస్ వెలుగు ; పత్తికొండ నియోజకవర్గానికి చెందిన ప్రముఖ తెలుగుదేశం పార్టీ నాయకుడు, ఉమ్మడి కర్నూల్ జిల్లా గ్రంథాలయ చైర్మన్ తుగ్గలి నాగేంద్ర బుధవారం తెలుగుదేశం పార్టీలో కీలక బాధ్యతలు చేపట్టారు. ఆయనను తెదేపా రాష్ట్ర ప్రధాన కార్యదర్శిగా నియమించడం పార్టీ శ్రేణుల్లో ఆనందాన్ని నింపింది. తెలుగుదేశం పార్టీ అధిష్టానం ఆయనకు ఈ బాధ్యతలు అప్పగించడం ద్వారా, ఆయన పార్టీకి చేసిన సేవలను గుర్తించింది. గతంలో కూడా రాష్ట్ర స్థాయి పలు పదవుల్లో పనిచేసిన తుగ్గలి నాగేంద్ర, పార్టీ అభివృద్ధికి నిరంతరం కృషి చేస్తూ వస్తున్నారు. గ్రామీణ ప్రాంతాల అభివృద్ధి, పేదలకు సేవలు, సామాజిక కార్యక్రమాల్లో ఆయన చురుకైన పాత్ర పోషించారు. రాష్ట్ర ప్రధాన కార్యదర్శిగా నియమితులవడంతో టీడీపీ నాయకులు, కార్యకర్తలు హర్షం వ్యక్తం చేస్తున్నారు. ఆయన నాయకత్వంలో పార్టీ మరింత బలోపేతం అవుతుందని విశ్వాసం వ్యక్తం చేస్తున్నారు. ఈ సందర్భంగా ఎమ్మెల్యే కే.ఈ.శ్యాం కుమార్ పత్తికొండ పట్టణంలోని టిడిపి కార్యాలయంలో తుగ్గలి నాగేంద్ర ను సన్మానించారు. ఈ సందర్భంగా తుగ్గలి నాగేంద్ర మాట్లాడుతూ, ముఖ్యమంత్రి నారా చంద్రబాబు నాయుడు, మంత్రి నారా లోకేష్ లు, “పార్టీ నాపై ఉంచిన నమ్మకాన్ని నిలబెట్టుకుంటాను. అధిష్టానం ఇచ్చిన బాధ్యతలను సమర్థవంతంగా నిర్వహిస్తూ పార్టీ బలోపేతానికి కృషి చేస్తాను” అని తెలిపారు. ఎమ్మెల్యే కె.ఈ.శ్యాం కుమార్, జిల్లా టిడిపి సీనియర్ నాయకుల సూచనలు సలహాతో పార్టీ అభివృద్ధికి మరింత కృషి చేస్తానని తెలిపారు. మొత్తంగా, తుగ్గలి నాగేంద్రకు మరోసారి టీడీపీలో ఉన్న ప్రాధాన్యతను స్పష్టంగా తెలియజేస్తోంది.